麥包施姦計向單立文取經
麥長青、江美儀與單立文將會三人分飾九角挑戰舞台劇，探討人性議題外，亦有重口味戲碼。飾演強盜的麥長青將在舞台上「強姦」嬌艷人妻江美儀，由於今次首度飾演「姦」角，所以特意向「御用西門慶」單立文請教演技，務求「姦」計得逞！
藝人麥長青（麥包）、江美儀與單立文擔大旗演出，根據已故日本電影大師黑澤明電影改編的舞台劇《羅生門》，暫定於明年1月29至31日假新光戲院大劇場公演五場。他們與導演兼編劇袁立勳昨日出席記者會時透露今次相當考演技，事關三位演員分飾九個角色，其中飾演強盜的麥包在劇中將飾人妻的江美儀「就地正法」！
江美儀「獻身」
由於麥包首度演出強姦戲碼，他坦言會請教演過不少三級片的「御用西門慶」單立文：「最大考驗係我未試過強姦人，而單立文就未試過唔強姦人。（請教佢？）梗係啦，香港冇第二個可以請教，佢係舞台監督，坐喺度睇住呀。」
至於美儀亦表示今次是第一次「被姦」，單立文則打趣稱：「你老手嚟，鍾意玩啲另類嘢。」美儀繼續互窒：「單立文最犀利，拍過呢套劇電影版，佢就係做強姦人嗰個。」
被爆做業主
提到陳國邦的離巢風波，美儀坦言與無綫仍有多年合約，單立文則剛簽新約，笑言會做到無綫高層李寶安退位。麥包則表示明年年底約滿，但暫無意離巢。劇接劇的麥包隨即被美儀寸豬籠入水：「佢又做業主啦，我哋睇樓都冇資格睇呀。」麥包解釋：「睇咗好多棟，終於買咗啦，上咗車先，大大小小都冇所謂，有自己物業先，以前冇首期買嘛！」
文：音樂組