伍允龍戇直求婚劉佩玥濕身躁爆

伍允龍與劉佩玥昨日在將軍澳電視城為無綫劇集《城寨英雄》拍攝一場潑水戲，劇中扮演泰國人的伍允龍，含情脈脈向劉佩玥求婚，戇直的他又以戲中家鄉潑水傳統方法求婚，一見劉佩玥出現，即大桶水照頭淋，最後被不知底蘊的劉佩玥鬧爆而轉身走。

膠戒指照殺

身體不適的劉佩玥被伍允龍連淋兩次，她受訪時表示：「唔記得要打底，希望唔會冷病，淋完都會即刻飲啲熱嘢保暖。」問她將來可希望有驚喜的求婚？她謂：「如果喺香港用潑水求婚相信會幾狼狽，哈哈。我依家都未拍拖，求婚將來等男仔諗啦，自己性格唔使太多花款，簡單就可以，或者用個膠樽蓋整戒指都可以，最緊要有心思。有錢都留番嚟買樓，層樓寫我名就得喇，哈哈。」

劉佩玥被淋了兩次水。	伍允龍與劉佩玥昨日演求婚戲。	劉佩玥出口鬧完，又出手與伍允龍打起來。

讚鬧得可愛

另一場戲伍允龍要被劉佩玥大罵，問劉佩玥平日可會駡他，伍允龍說：「平時唔會鬧人，大家拍戲就好認真，背後我哋成日玩、講笑，佢鬧人都鬧得好可愛，入嚟TVB拍劇都好開心。」拍攝時伍允龍要狂擦枱上食物，他笑說：「我真係食(口架)，所以冇食早餐。」

採訪：影視組