Carolyn Murphy高貴完勝

明星出席活動最忌穿得格格不入，早前舉行的紐約芭蕾舞團晚宴，眾女星盛裝現身，星級造型師郭慶彬就大讚穿上深藍色裙的Carolyn Murphy散發高貴淑女的一面，反而Vanessa Williams穿上的傘裙就顯得太young兼扮青春！

「雖然佢踏入中年，但造型散發高貴淑女一面，條裙出場有壓台感，襯咗鑽石耳環好吸引，加埋佢棕啡色頭髮同蜜糖膚色，襯深藍色裙仲突出。」

「條裙本身好靚，但佢着出嚟只值60分，佢唔夠高，下襬位太闊，冇高度着唔起，下襬窄啲會適合佢嘅身形比例，可以再着好啲，唯一讚佢髮型同化妝靚。」

「雖然中門大開勁性感，但着唔出美感，好似肉彈咁將肉露晒出嚟，一啲都唔好睇，有時性感得嚟都可以好型同健康性感，但反而喺佢身上發現唔到呢個感覺，西裝褸襯直筒褲好老套，比例好古怪。」

「感覺望落去好眼前一亮，好青春，本身佢有肉地，條裙着落去有新鮮感，肥嘅女仔未必會着咁修腰嘅裙，佢條裙着瘦咗，佢都好醒目揀粉色裙搶眼。」

「這條晚裝裙雖然係修腰剪裁，但線條一般，效果好平凡，同人鬥靚就遜色，因為款式平淡唔突出，似陪襯而唔係主角。」

「佢有咁上下年紀，着得唔啱佢年紀，太young，冇青春感，佢本身唔高，傘裙着得好論盡，而且佢中性髮型，但條裙好女仔，着唔出時代感。」

星級造型師郭慶彬（Ricky）的配搭功架深受女星讚賞，是型媽吳君如、「大美人」李嘉欣與「玉女掌門人」周慧敏等的御用造型師，在業界備受肯定。Ricky亦是一眾品牌之友，被各大品牌邀請米蘭與巴黎時裝周，更充當講師分享配搭之道。