追求者送舖 尹蓁晞唔吼
28歲的(口靚)模尹蓁晞（Yumi）昨出席形象指導許嘉浩（Karl）好友的咖啡店開幕，她透露去韓國讀韓文兩個月，上周才回港，生日也是一個人在韓國度過，她說：「最近見到好多人結婚，自己都想，但我十劃都未有一撇，男朋友都未有。（喺韓國有冇識到型男？）有，不過唔係拍拖嗰隻，我啲同學有唔同國籍，仲有一個60幾歲嘅阿伯添，哈哈！」
問到可有追求者？在旁的Karl即踢爆說：「佢有個大佢10年嘅追求者話送間舖畀佢，佢都唔要呀！」Yumi聽罷即更正：「唔係大10年，係20年呀！」她表示已婉拒該追求者，但或會與對方合作做生意，她表示想開咖啡店，現正搵投資者。