早前意外受傷一度昏迷的吳若希（Jinny）母親，要接受開腦手術。Jinny寫給弟弟的信中提到母親之後曾有自殺傾向，神經外科專科醫生藍明權指腦受創較嚴重的病人，的確有機會患創傷後遺症：「例如曾經昏迷，或者腦出血，都會損壞腦細胞，令腦細胞少咗，細胞少咗自然會影響功能。如果病人一向活躍，但意外後發現自己想做嘅嘢做唔到，會令佢情緒低落。而且腦受創後，有機會經常頭暈頭痛，亦會令病人唔開心。」
藍醫生表示病人要了解自己：「如果問題嚴重，醫生會開啲藥令病人情緒好啲。病人屋企人要畀多啲耐性，多啲同佢傾偈，等病人慢慢康復。」