吳綺莉昨日到電台開咪訪問林曉峰，對於愛女吳卓林經常以中性打扮被形容為Tomboy，問到會否抗拒囡囡愛上同性？吳綺莉說：「我希望佢好好地識個男友結婚，有個幸福美滿家庭，等我做婆婆喺屋企湊孫，不過呢啲控制唔到，隨遇而安。」
對於女兒卓林受訪時透露當年在上海讀書遭同學圍毆，吳綺莉坦言未有睇報道，但承認曾有此事發生：「曾經係有啲小朋友嘅嘢，唔係太大鑊，同學之間係有啲問題。（同對方家長投訴？）同對方家長溝通過。」
