「設計師可能覺得瘦嘅模特兒先可以着到佢哋設計嘅嘢，選擇權喺設計師手。（鼓吹？）大部分模特兒都知基本條件係高同瘦，我覺得模特兒應該有唔同尺碼，唔一定高同瘦先可以着到啲衫好靚。」
「設計師起用好瘦嘅模特兒，可能想要一個衣架嘅效果，我覺得喺舞台上，瘦啲出嚟嘅效果係靚啲。不過人到咗咁上下年紀，有番少少肉地會靚啲，不過我對身材肥瘦係冇歧視。」
「我覺得做騷同上鏡一樣，瘦啲好睇啲，但瘦到健康出現問題當然唔贊成。不過好多模特兒可能15歲就行騷，發育都未完成先咁瘦，至於碧咸嫂畀網民炮轟，我覺得佢要為自己講過嘅嘢負責。」
