陳妍希踩高5吋 碎懷孕傳聞
【李詠林紐約直擊】「台灣女神」陳妍希在紐約忙於睇騷，當地時間周一出席Tommy Hilfiger 2016春夏時裝騷，穿上5吋高踭鞋的她粉碎之前懷孕傳聞，她亦大笑說：「我個Baby就係嚟緊拍嗰套電影，不過詳情唔講得住。」她又透露因為時差還未調節到，凌晨四時許已起床，但就未有時間購物。
提到日前她在另一場騷與G.E.M.同場，有網友大讚她的衣着更勝一籌，她說：「大家風格都唔一樣。（相識嗎？）識，因為同阿Sa（蔡卓妍）一齊睇演唱會而識佢。（約佢行街？）應該唔會，大家工作忙，夾唔到時間。」
而20歲人氣索模Gigi Hadid於騷上穿着火辣的七彩比堅尼現身天橋，大騷完美身材，除了上圍洶湧有睇頭之外，一雙美腿亦同樣煞食，吸睛程度爆燈，其歌手男友Joe Jonas則坐在台下眼甘甘望到實！