馬德鐘拍一套劇買一隻錶

馬德鐘昨日以代言人身份出席手錶活動，問到有否儲錶習慣？他說：「有呀，細個啲錶都仲喺度，依家做埋代言人手錶大增，單係代言品牌嘅錶有十幾隻。」問到最貴隻錶要幾錢？馬德鐘說：「四十萬，會睇場合先戴，其實我拍每套劇都會買一隻錶。」並透露送了四、五隻名錶給太太，他說：「佢大學畢業有送錶畀佢，覺得係個紀念，記住當時嘅時刻。」忙於拍攝內地劇的馬德鐘說：「做完活動就要飛返去內地大連，之後就要拍內地真人騷。」對於內地有意規範真人騷，馬德鐘說：「有聽聞，不過節目內容好、質量好，應該放鬆啲。」