周麗淇傳搭上石油大亨 周汶錡：多人追正常
藝人周麗淇與大陸男星徐正曦甩拖後，有傳與石油大亨搭上，昨周麗淇透過短訊回覆：「暫時想安靜工作，別擔心我，我沒有必要回應，因為一向不是我作風，清者自清。」
而其胞姐周汶錡昨出席活動時，直言妹妺樣靚多人追屬正常事，她說：「佢成日唔喺香港，感情事真係唔清楚，（好多人追？）咁靚女又單身，多人追都正常，唔好逼佢啦，有佢自然會講，冇都會講。（話佢前男友徐正曦借錢送名車畀佢？）你哋當面問番佢啦，佢八月中走，幾個月後返。」另周汶錡表示準備產後三個月後去曬太陽，又指調理身體後會再生。
另身在內地拍戲的徐正曦，被問到分手回覆指：「心情OK，有啲無奈。」另又傳出他借糧，經理人公司高層林小強回應：「佢使咩借糧，咁多嘢做。」