唐貝詩冇拖拍媽咪心急抱孫
名媛寇鴻萍的愛女唐貝詩（Lydia）昨日穿上Deep V露背連身短裙爆乳出席手錶活動，單身多時的Lydia自爆母親恨抱孫，夜晚祈禱希望她與妹妹盡快搵到另一半！另甄詠珊提起日前搭的士被侮辱為「正龜婆」，餘氣未消的她仍講到眼濕濕。
藝人唐貝詩（Lydia）、范振鋒夫婦及甄詠珊等昨日分別出席「香港貿發局香港鐘表展」活動，身為宣傳大使的Lydia表示是配合身份及尊重場合，超性感造型亮相，其母寇鴻萍中途現身會場，並化身「龍友」捕捉愛女在台上靚樣。記者笑指天氣開始轉涼，Lydia笑說：「要封胸喇，暖吓心口，依家又冇拖拍，冇人攬，惟有用自己脂肪保暖。」
一早識杏兒男友
單身多時的Lydia自爆遭母親催拍拖，她說：「佢夜晚祈禱希望我同妹妹都搵到另一半，佢話想做婆婆。（你太強冇男仔敢埋身？）我都有柔弱同內斂，如果拍拖唔介意公開，不過好小心揀，怕影響形象。」對於胡杏兒簽約蕭定一，同一經理人公司場的Lydia說：「好開心有個『家姐』。（唔驚分薄資源？）佢出名又紅，我同佢唔同級。（叫佢男友Philip介紹男仔你識？）識佢男友好耐。（佢哋年底結婚？）唔知。」
延下星期錄口供
而同樣參與鐘錶展的甄詠珊，提起日前搭的士被兜路兼遭的士司機侮辱她為「正龜婆」，餘氣未消的她直指對方態度有問題，期間講到眼濕濕，更稱對方是「門口狗」：「佢鬧完我即開車，連我想鬧佢機會都冇，好似門口狗咁，我知搵食辛苦，但態度好啲。（驚咗搭的士？）一上車就會講要行邊條路。」並透露昨午已收到警方電話，她說：「因為下星期要錄音，唔想影響心情，所以約再下一個星期錄口供。（以後自己『揸』車？）係啦，不過我係安守法紀嘅人，垃圾都係掟落垃圾桶，只要有機會接觸酒都唔會『揸』車。」
文：音樂組