張繼聰楊怡收規逼爆深水埗

藝人張繼聰、楊怡及林夏薇等昨日出席無綫劇《收規華》宣傳活動，於深水埗街頭收集市民的指模以代表「收規」，數十市民更湧上圍觀，場面逼爆！張繼聰大讚劇集口碑好，亦收到朋友的訊息指劇集好睇，劇集口碑好有否令他增加信心，在年尾的台慶頒獎禮中奪獎？他笑言：「我有信心……去坐囉！我對獎項一向平常心，不過真係希望阿怡（楊怡）攞視后。」又謂會教囝囝看電視：「畀佢睇，但會用方法話佢知角色係忠嘅。」
楊怡在深水埗街頭宣傳劇集，吸引眾多市民圍觀。
楊怡在深水埗街頭宣傳劇集，吸引眾多市民圍觀。

撐胡定欣攞視后

楊怡則被問到胡杏兒離開無綫，是否增加她奪視后的信心？她說：「識我嘅人都知我唔係為獎，反而覺得胡定欣喺《鬼同你OT》做得好好，好大突破，會支持佢！」張繼聰直言會投票給楊怡，但楊怡說：「你投完可唔可以影番張相畀我睇？」阿聰無奈說：「咁你即係唔信我啫。」楊怡即解釋：「唔係，我想留念啫。」同場的林夏薇沒想過今次角色能否奪「最佳女配角」，只希望每次拍劇都比上一套做得更好。

「收規華」張繼聰即場收集市民的指模。
  • 「收規華」張繼聰即場收集市民的指模。
人妻林夏薇輕露纖腰。
  • 人妻林夏薇輕露纖腰。