杏兒華麗轉會大紅大閃
胡杏兒加盟蕭定一旗下，一身紅裙加鑽飾閃爆登場！她不但大讚新東家誠意十足，更賣口乖稱無綫是「永遠的娘家」，不諱言只要有合適劇本，不介意回巢効力。當問到婚期，一臉幸福的她左顧右盼，最終笑謂：「總之今年個期滿晒啦。」
胡杏兒昨以鮮紅戰衣配上20卡鑽飾現身加盟GME中國記招，新東家於imax戲院內安排魔術師「變」出杏兒，寓意她由小螢幕躍登大銀幕，且找來任達華及張智霖等多位紅星拍下祝賀短片，惟無綫方面未有派員列席支持，可謂美中不足。
是日女主角杏兒全程笑到「四萬咁口」，未有否認轉會費高達3500萬港元，直言酬金「好滿意」，又大讚老闆蕭定一對她誠意十足，給予絕對安全感。不過她亦不忘向無綫「獻媚」謂：「其實都要多謝番對我有興趣嘅所有公司，無綫亦始終係我永遠嘅娘家，只要有合適劇本，我好樂意再拍劇。」不過她透露稍後要返內地工作，即使阿一為她度身訂造電影劇本，最快亦要明年才開工。
自爆生B冇限制
由於不續約無綫，杏兒角逐視后的機會將大減，她淡然謂：「隨緣啦，但一定會幫《陪著你走》宣傳，希望以後可以接一啲寫實啲嘅角色。（年底結婚？請咗假？）總之今年個期滿晒啦，公司冇限制我嘅私生活，阿一自己都生咗3個（小朋友）啦。今日講工作先，佢（男友）都支持我嘅。」杏兒謂今年轉會又開始做生意，好像難關重重，幸而目前婚紗店生意不錯。問到加盟影圈後最想與哪位男演員合作，她即謂：「任達華，佢好nice，之前有入電視城探班。」
蕭定一招攬男神
至於蕭定一對杏兒信心十足，承諾會給予機會讓她展示演技。由於公司女演員眾多，未來他會招攬有潛質的男演員加盟，令公司實力倍添。
文：影視組