戰略物資受管制
根據「進出口（戰略物品）規例」，護身裝甲、防彈背心，屬於軍事物品，香港戰略貿易管制制度下，工業貿易署對進出口戰略物品均屬許可證管制，所以輸出輸入要申請許可證。
對於普通市民私藏避彈衣，一名資深射擊手表示避彈衣是戰略物資，受到貿易署管制，他說：「如果你去間舖頭話要買件避彈衣，唔會有人賣畀你。多數買避彈衣都係以公司名義，好似保安業同押運業咁。（如果普通市民擁有就係犯法？）係。」另外，時下流行以用過的子彈殼做飾物，他表示亦屬犯法：「用過嘅子彈殼，都係屬於彈藥，藏有嘅話最高刑罰係監禁14年，但如果佢係唔知情咁收咗，好似係朋友送、長輩留落嚟，咁又唔同講法，但到時就要睇個官點判。」
大律師陸偉雄表示，藏有或穿上避彈衣是否違法，要視乎避彈衣的物料而定：「要視乎嗰件避彈衣用乜物料製成，若軍火專家鑑定入面有違禁品，就會觸犯法例，如件避彈衣只鑲鋼板，冇其他違禁成分，係唔犯法！」