紅姑搵伴種菜擔泥
今年55歲的鍾楚紅（紅姑）與53歲的關之琳（之之）同是影壇元祖級大美人，昨晚兩人難得同場出席活動，艷光如昔，對於另一大美人林青霞最近出山拍攝真人騷節目，紅姑揚言有意拍攝《四個美人去旅行》，卻怕被其他美人請食檸檬。
兩大息影大美人鍾楚紅與關之琳昨晚現身品牌活動，紅姑以喱士裙上陣，之之則以黑白褲裝襯清爽短髮，各有美態。兩人表示一直也有跟對方保持聯絡，談到兩大美人同場，紅姑謙稱：「我都唔係大美人，之之就係。」
對於近年流行內地真人騷，連息影多年的林青霞也出山，問紅姑會否考慮？她坦言：「冇興趣，因為我反應唔夠快。有人搵過我，但經理人幫我擋晒。（如果真人騷同環保有關會唔會打動你？）有冇咁着數？去種吓菜、擔吓泥都好，但有人會睇咩？如果係會考慮。」
熱愛旅行的她，表示也有興趣拍攝旅遊節目，記者建議她可倣效《4個小生去旅行》，拍攝《4個美人去旅行》，她笑謂：「都幾好，但有人肯先算。（覺得邊個係美人可陪你？）呢個圈好多大美人，但我唔係。如果講咗人選出嚟，對方唔睬我咪好冇面。」
曾昭亮宣布懷孕
至於關之琳表示也有人接洽她拍攝真人騷：「類似係（劉）嘉玲做嗰啲（指《我是演說家》），比較互動，但我冇興趣推咗。（幾多錢都打動唔到你？）打動唔到。我決定咗唔拍戲就唔拍，除非有啲好特別，打動到我，劇本好會考慮，但唔會為錢去做。」本月生日的之之稱預計與大班朋友慶祝，又指沒期待男友在當天求婚。另富商曾文豪女兒曾昭亮公開宣布懷孕四個月，預產期在明年二月。
周汶錡惹火性感
而名模靚媽周汶錡以性感露波邊上陣，大晒生B後修身成果。對於妹妹周麗淇與男友徐正曦分手，男方被傳搭上19歲女藝人，她說：「真係唔知，有時報道同事實唔同。（戥妹妹唔抵？）冇特別問，佢會處理到。」
文：名人組