鍾楚紅風騷激凸掃貨

身穿白色T-shirt襯牛仔褲的紅姑，掃貨完畢即風騷步出店外。

近日不少品牌名店減價吸客，一眾星級潮人紛紛出動掃貨。大美人鍾楚紅（紅姑）昨午12時半左右，與一名身穿紅色T-shirt的男親友及助手現身中環名店Tod's濕平。三人坐於店內梳化有傾有講，紅姑更不時低頭玩電話。其後助手發現店外記者時，即做手勢示意不要影相。

Nice爆打招呼

約下午1時半，戴上黑超、身穿白色T-shirt襯牛仔褲的紅姑，掃貨完畢率先步出店舖。「飛釘」的她全程表現風騷，並揮手say hi：「咁多人嘅？」問到有沒有斬穫？她表示：「有買少少。（鍾意呢個品牌？）唔講啦。（買咗幾多嘢？）我架車到啦，要行快啲。（買完嘢去high tea？）我唔tea（口架)）。」話畢便登上座駕。而其親戚亦手拿兩大袋戰利品尾隨在後登車。

紅姑笑容滿面揮手say hi，夠晒Nice。	向來錫老婆的梁漢文睇中一對女裝波鞋。	梁漢文笑晒揀衫，似乎已搵到心頭好。

見靚衫笑晒

而歌手梁漢文（Edmond）昨日亦單拖現身中環，甫見記者即友善微笑示好，問到他去邊？他說：「我去攞衫呀！」之後進入附近一時裝店揀衫。向來錫老婆的他亦好有老婆心，看見一對女裝波鞋，即拿出手機拍照，然後再轉發給老婆睇，兩公婆更一度以短訊對話，未幾他已揀下大堆靚衫往試身。臨走前，他禮貌地與記者道別，然後拿着大袋戰利品離開，未知當中有冇老婆對波鞋呢？　文：追蹤及名人組