馬溱禧胸惡 恨演正派角色
被封「翻版楊秀惠」的新進演員馬溱禧（Heily），以迷人笑容與34C上圍出位，着上三點式泳衣的她直言比堅尼是性感底線，希望以實力而非露肉來爭取觀眾認同！她亦寄望有天能做到一個成功的女主角：「自己好鍾意演戲，之前亦有好多演出經驗，就算只係臨記都冇所謂，都會令我學到嘢！到依家慢慢有人欣賞同認同，多咗機會同啲大明星拍對手戲。」
如願與古天樂合作
問到Heily最想與誰合作？她表示其中一個夢想已實現：「之前有機會拍電影，同古天樂、余文樂合作，真係好難得，好開心！」她亦指自己外表較「兇」，容易令人害怕：「所以次次拍嘢都係做惡人、反派，好想試吓飾演做啲正面啲、好人嘅角色，不過我都唔會計較繼續做反派，有時甚至有更大空間發揮，亦有好多做開反派做到出神入化嘅演員！」
另Heily直言滿意自己外表及身材：「整容就唔使預我o架喇！而性感底線就係比堅尼喇，都唔想露得太多，唔想係以性感呢樣嘢去出位，而係想觀眾去注意我嘅實力。」文：專案組
馬溱禧 Profile
年齡：25歲
身高：1米62
三圍：34C、24.5、34
簡介：無綫出身的Heily早前開始擔任《警訊》的女主角，更被封為最煞食的MK妹！曾參演多套大片如《保持通話》、《浮華宴》及《矮仔多情》等。