許志安發洩靠「射」
歌手許志安聯同恭碩良昨日到電台宣傳共同創作的新歌《Hello，你好》，安仔表示早在對方未加入公司前，已向黃柏高講想合作。談到創作過程，他們說租用了十小時錄音室，然而花了八小時去聊天，真正創作時間只有一、兩小時，笑言有點對不起公司。
安仔透露新歌講述情侶分手後，再重遇時會說的話，問到是與另一半的經歷？他尷尬笑說：「冇代入我度，題材係恭碩良諗。」安仔對於講感情事仍有保留，問二人被拍到時會否仍感緊張？安仔笑言：「冇呀，尋日食飯見到記者仲同佢揮手，又戴番副眼鏡，同埋即刻畀現金！」問他有何宣洩渠道？他說：「踢波，將唔開心射晒出嚟，我講(口既)係射龍門！」