陳智燊電視城影婚照
無綫藝人陳智燊（Jason）及李思捷昨日到荃灣拍攝新劇《爸B有話兒》，與小演員合作，激發出Jason的父愛：「湊佢哋好吃力。（取消同宋熙年生4個嘅計劃？）睇吓點，我愛熱鬧，依家諗緊想喺電視城、《東張西望》個廠影結婚相。（搵埋TVBuddy影？）唔一定，總之會喺公司影，對我同熙年已經好有意義。」
思捷則透露有計劃生仔：「人最重要係家庭，要有下一代，但要搵啱對象先得。（《今晚睇李》結束，專心拍劇？）呢個劇係上年接，起初《今》諗住做11集，依家做咗30幾集。（會有Part 2？）唔知呢，我唔介意。」