盛品儒天使翼守護蔡一鳳
前亞視高層盛品儒，與蔡一鳳去年註冊，將於今年十月補擺喜酒，婚禮籌備得如火如荼，兩人最近為婚禮四處奔波，透露婚禮半年前已開始籌備，現已踏入尾聲，由訂造婚紗、擺酒、首飾，花費逾千萬元，當中的藍寶石婚戒更是盛家家傳之寶。
盛品儒（James）與蔡一鳳（Michelle）最近為10月8日的婚禮忙得不可開交，當中結婚戒指為求完美更一改再改，Michelle開心透露婚戒是盛家的家傳之寶：「對戒指係盛家嘅無價寶，一代傳一代，係一對藍寶石，本來老爺用咗嚟做袖口鈕，依家傳畀James，佢自己重新設計，將佢轉咗做對戒。」James接着說：「對藍寶石喺爺爺嗰代已經有，喺盛家已有一段時間，感覺好有靈性，會保佑我哋，所以我設計嘅款式，好似天使翼保護住咁樣，依家攞咗去訂造。」問Michelle收盛家之寶，她回甚麼禮？她說：「我係福建人，依傳統福建人嫁女要畀好多嫁妝，而我呢代都冇乜所謂，唔會跟足晒習俗，但媽咪話要做一隻5卡鑽戒畀女婿。」
為賓客名單頭痛
而婚禮最令他們頭痛的是酒席賓客的名單，由於兩家均有頭有面，親朋好友眾多，男方不少親友在上海，女方的則多數在澳門，兩人為免眾親友專程飛來香港只為一餐喜酒，所以決定只擺30圍，James說：「唔想擺太多，係怕人太多招呼唔周到，唔想做到太草率。」
揀搶眼桃紅煲呔
而日前兩人一日走幾場，又揀婚紗、晚裝，又睇首飾，再去睇禮餅。Michelle在婚紗店揀婚紗與晚裝，每一件都問James，James落足眼力不停畀意見。Michelle亦不忘為老公揀煲呔，看到搶眼桃紅色煲呔，即時幫老公戴上，還笑言要做番套同色的晚裝襯老公；之後又到她開設的Marvella珠寶店，原來Michelle早前專程訂造了一對鑽石袖口鈕送畀老公。最後他們經過禮餅店，即時雙雙入餅舖揀禮餅。
文：名人組