鄧佩儀拒獨食巨型串燒

藝人鄧佩儀（Gloria）自認為食，她自爆閒時最愛「周圍鑽」尋找美食！Gloria日前於尖沙咀一間韓燒食店中，發現全長共88公分「神級」巨型串燒！她笑言對該串燒感到驚為天人，更主動問老闆「攞折頭」：「咁巨型嘅串燒真係壯觀到不得了！我哋仲貪玩去攞把尺（量）度，真係剛剛好88公分！全晚吊條串燒喺度任食牛扒同羊扒等等，順次序夾餸落嚟慢慢烤！因為串燒係倒吊，所以豬油會自動滴落塊鐵板，聞起嚟香到痹！」
鄧佩儀即場量度巨型串燒。
鄧佩儀即場量度巨型串燒。

問到Gloria能否獨自食完該串燒？她笑稱此乃「情侶餐」：「一個女仔難啲食完，除非係超級大胃王！最好就情侶一齊食，男仔仲可以show off吓強勁手臂，因為要好大力先可以夾到塊扒落嚟烤！」問到Gloria擔任飲食節目主持會否增磅？她自爆日日保持超高運動量「燒脂」，並說：「我每日至少跑半個鐘先開工，放工又會去打泰拳同跳舞！做咁多運動反而仲想食好多嘢！」

鄧佩儀笑指最好與男生共享巨型串燒。
  • 鄧佩儀笑指最好與男生共享巨型串燒。