陳豪出鬼主意拍《朕同你OT》
無綫藝員陳豪、田蕊妮、胡定欣、楊秀惠、高層區偉林、曾勵珍、樂易玲等，前晚齊齊出席劇集《鬼同你OT》的祝捷會。此劇一眾演員演繹生鬼搞笑，深得觀眾喜愛，暫時成為今年最高收視劇集。
而主角陳豪更開到口話希望原班人馬再開劇：「今次題材冷門都成功，證明有空間再試，題材可以再大膽啲，以武打、古裝加搞笑開套《朕同你OT》。」對於年尾台慶爭「視帝」，陳豪坦言：「唔諗呢啲啦！佢兩個（田蕊妮、胡定欣）就好犀利，視后我會投佢兩個票。」
田蕊妮 古裝劇怕怕
而田蕊妮雖然恨原有班底再開劇，但對陳豪的古裝建議就有點卻步：「古裝就唔好喇，好辛苦。」提到「視后」，謙虛的她謂：「冇諗，依家先八月中，集中精神拍《巨輪II》先啦！」
胡定欣 唔OT恨食飯
至於劇中另一女主角胡定欣，就坦言劇集播畢後令她感失落，故希望原班人馬再續前緣，不過定欣笑謂：「但係就唔好再OT喇！拍呢套嗰陣已經成日OT，或者叫《鬼同你食飯》啦！」
文：影視組