主播鄭文被指遭nowTV終止合約，產假亦不獲補償。腹大便便的她透過電話否認：「其實係8月15日我張死約完咗，仲有1年生約，公司又未諗到大家點合作，我咪話咁不如算啦，況且我生完都未知日後生活點安排。（冇產假？）我係藝員約，根本冇呢樣嘢，就算要放都係no pay leave。（話你原本打算做到下月18日先休息？）我預產期係下月22日，咁又點可以做到18日呢？我同舊公司關係仲好好。」nowTV高層金廣城則指不想鄭文於預產期時工作操勞。提到節目重組，他則稱現階段希望外界不要猜測。
