胡楓詐傻扮嬲《友誼之光》興贈
自無綫節目《4個小生去旅行》記招上發生「謝賢怒摑曾江」事件後，迅速成為全城熱話，而節目終於在昨晚首播，但兩位小生的恩怨似乎仍未平息。另外兩位無辜捲入事件的小生胡楓及Joe Junior，昨日下午為稍後的演出練歌，二人即場合唱《友誼之光》，這首歌對「怒摑」風波來說可謂非常應景！
Joe Junior繼續揸咪
受訪時，胡楓明顯避談「怒摑」風波：「如果問其他嘢嘅，好對唔住，我唔答大家，但過咗今日（昨日）之後你哋問咩都得！」他續說：「今次我哋一齊唱《友誼之光》！（Joe Junior及黑妹？）梗係啦！唔通……」當他知道記者想提及謝賢和曾江後，即捲起衣袖扮發火，再問到可會邀請謝賢和曾江觀看演出？他笑說：「我唔識呢兩位！」之後又扮發火說：「嗱！都話唔好問！」在旁揸咪的Joe Junior就搞笑地問：「點解次次都係我揸咪嘅？」胡楓笑言因為他夠熟手，其後又提醒大家記得收看《4個小生》首播，否則會走寶。
吳君麗幫口平反
而被麥玲玲點名為「怒摑」風波做和事老的薛家燕昨日現身電台，她透露事件發生後曾致電問候胡楓：「響咗好耐佢先聽，之後佢就話大件事，又話嗰陣都知有啲唔妥o架喇，希望冇事啦。」問到可會充當中間人約他們食飯平息事件？她說：「一餐飯邊度得，依家都係等佢哋冷靜吓，搵邊個都冇興趣食，或者等我生日啦，都要搵個藉口嘅，要我請食飯有咩所謂！」
另外，粵劇名伶吳君麗昨日出席活動，曾與幾位小生合作的她謂以前認識的謝賢並不火爆：「可能佢年紀大咗就火爆啲。」對於有指謝賢和曾江同場會鬥遲到，她說：「唔會，兩個都好準時！」她又認為「怒摑」風波只是宣傳手法。
文：音樂組
攝：司徒國榮