王菀之見湯駿業即喊

王菀之(Ivana)、演員湯駿業與監製葉念琛昨錄影無綫節目《Big Boys Club》,Ivana與湯駿業於電影《沒女神探》演情侶,結果Ivana遭拋棄成為「沒女」,再遇上最愛周柏豪,Ivana讚其演戲老師湯駿業好戲:「拍喜劇好難喊得出,所以好靠對手,湯駿業好犀利,喺我極度眼瞓嘅凌晨四點幾、喊咗十次後已經冇晒眼淚,但都可以因為佢嘅戲太好,令我即時喊得出。」

問兩人有否親密戲?湯駿業笑謂:「我哋鏡頭後好親密。」Ivana透露跟柏豪有吻戲。葉念琛又表示非常滿意Ivana的表現:「終於見到佢出人頭地,擔正女主角,佢演技進步咗好多。」