師兄讚心悠唔怕祖兒「醋」

藝人劉浩龍（師兄）昨日與劉心悠、蔡瀚億、陳慧敏、小肥等錄影無綫節目《Big Boys Club》，師兄與心悠於新片《燈塔下的戀人》大跳印度舞，師兄自爆跳舞似打功夫，被心悠取笑，她說：「我覺得佢好得意，好有喜劇天分，因為佢好認真。」師兄又大讚心悠眼大鼻高，着印度裝很靚似印度人。今次他倆最親熱的鏡頭，只有為心悠抹嘴，連拖手都冇，師兄說：「我哋係好神交、好pure嘅愛情，我哋以咖喱會友。」
劉心悠、劉浩龍互讚，但不過電。
劉心悠、劉浩龍互讚，但不過電。

師兄讚心悠，不怕女友容祖兒呷醋，可會跳舞給祖兒睇？他說：「想睇咁精彩嘅嘢梗係入場睇啦，有機會都會一齊睇。」有指「未來外母」對他不滿，會否請容媽睇戲？他說：「邊個去都冇所謂，你阿媽、我阿媽、大家嘅阿媽都一齊去啦！」

右起：蔡瀚億、陳慧敏與小肥一起錄影。
  • 右起：蔡瀚億、陳慧敏與小肥一起錄影。