Kelly提起恩師未唱先喊

Kelly自當上人妻兼榮升兩子之母後，事隔七載回歸紅館舞台，昨日她身穿鮮紅色入膊露背裙出席演唱會記者會，現場播出七年前她在紅館個唱宣布結婚的片段，當時Kelly還問觀眾如果結完婚生埋兩個小朋友大家還會來看她演唱會的一番說話。

笑言老公肥咗

司儀細數Kelly入行廿年不曾轉過唱片公司及經理人，惟提到恩師奚仲文（著名造型師），Kelly即忍不住落淚：「又喊喇，死啦，到時（演唱會）都唔知點算，冇仲文，我入唔到呢行，絕對冇今日嘅我！」過去可有人想在鍾珍手上找她過檔？Kelly再度眼濕濕說：「冇，真係冇人咁大膽，鍾珍好係人都知。」最抵死是司儀提到Kelly老公劉建浩時，她反而沒有喊，還望着兩人的婚照笑謂：「佢好瘦呀嗰時，依家肥咗好多。（當時其實多唔多人追？）feel到，但我睇唔到佢哋，始終佢（老公）係最好。」之後大會用Kelly廿年來「最重要時刻」包括結婚、演唱會、劇照、獲獎等相片設計成蛋糕送給她。

陳慧琳	恩師齊撐Kelly，左起奚仲文、鍾珍及雷頌德。

兩個仔練夜瞓

受訪時，Kelly講到未開騷已感觸落淚：「到演唱會都唔知點算，我諗住到時講一啲感性嘢，但我都擔心，唔想一路喊一路講，咁唔好睇，唱歌跳舞難唔到我，要忍喊先難到我！（會請嘉賓？）會，每晚都有唔同嘉賓，會度啲最靚位畀嘉賓出場。」相隔七年，Kelly身形可有不同？她說：「我個body呢，有微妙嘅變化，有啲位會用啲布遮吓。（着熱褲？）熱褲都仲着到嘅，會係接受到嘅性感啦。（安排兩個仔到場？）依家一放假就要訓練定佢哋唔好咁早瞓，不過都要睇佢表現，乖就畀佢上台，大仔上嘅話，細仔就會肯上。老公會喺台下同朋友一齊睇。」

當年與Kelly一起出道的陳曉東日前再做老竇，兩年抱兩千金，Kelly連聲恭喜，雙方大可對親家？她說：「可以約出嚟玩吓，溝通吓。」

文：音樂組