側田寸得喜樂鬥羅力威

側田、羅力威及王菀之等將在8月30日假紅館舉行「Summer Pop Live in Hong Kong 2015」，其中側田會與威威首次合作，兩人異常投契，除大家都是唱作人，還有一個共通點，就是經常被標籤為麻煩難搞的「寸嘴藝人」。

台下難有真笑容

對於自己的性格，側田說：「我哋係做音樂，唔係做公關，最開心嗰時就喺台上，台下好難有真笑容。老土啲講，音樂緊要過我生命中其他嘢。愛情方面，有時寧願揀音樂，多過陪女友，因為音樂係會跟我一世。」

羅力威喜歡以音樂表達自己。（資料圖片）	側田已學識不再失言傷人。	酷愛表演的側田（右），最近即興在街頭獻唱。

學識謙虛不失言

出道初期被封「黑面神」的威威亦拒做倒模藝人：「我覺得音樂人有種好自然嘅性格，我唔慣學一套必然對答嘅方式，唔會好圓滑去對住鏡頭同大眾。一出嚟畀人話我比較黑面、唔笑，但我係感覺行先，如果嗰日唔開心，唔會表現到好開心。」

曾經與香港傳媒交惡的側田，已學會在真我與虛偽之間取得平衡，不再失言傷人：「好多人覺得我寸，最緊要依家講嘢唔好得罪人，依家嘅我已經圓滑咗，唔會傷害人哋感覺。自信同囂張只差一線，十年後嘅今日，我學識謙虛。」

文：音樂組

攝：劉智源

場地：九龍廳