張國強傳授戲功 蕭家浩畀Like

藝人蕭家浩早前有幸與張國強合作拍廣告,令他戲裏戲外都獲益良多:「我好欣賞前輩張國強嘅演技,佢唔只演技好、表現專業,仲係一個好老公,因為拍廣告當日,我見到佢帶埋太太同個女一齊開工,真係好羨慕佢有個幸福家庭。」

不過,蕭家浩坦言與張國強做對手戲時有點緊張:「好在佢好nice,會畀意見我,我仲請教咗佢好多關於人生方面嘅睇法,佢都樂意分享,仲畀咗好多鼓勵我,好感激佢,希望將來有機會同佢合作拍劇。今次我哋合作嘅係物業信貸嘅廣告,講起買樓、賣樓,我都好希望可以做業主。」單身的他坦言想結婚及成家立室。