林德信冚戀情 保私隱

今集東網電視《娛樂onShow》主持人俞詠文（Angela）邀請歌手林德信（Alex）做嘉賓，事隔兩年Alex終於推出新歌《終於有一天》，在這兩年期間，原來Alex忙於拍電影，故未能全身投入歌唱事業，他說：「因為有段時間我走咗去拍戲，一接咗部戲，一拍就拍成兩個月，跟住宣傳又要兩三個月，就變咗五個月，接咗三部戲咪差唔多兩年。」

長輩愛情感人

講到新歌《終》，Alex大爆是有關於公公婆婆的愛情故事，他說：「寫歌嗰陣婆婆啱啱過咗身，婆婆同公公嘅愛情故事好感人，我婆婆病咗好耐，有成十年，我公公一直都照顧佢，幫佢沖涼、煮嘢食、換衫，乜都係公公幫佢，我覺得呢種愛係好難得，又係大家都想要，呢首歌係有少少關於佢嘅故事。」

林德信在節目笑緋聞女友松岡李那。

林德信被主持俞詠文「逼供」戀情！

唔講爸爸職業

而講到Alex，每次大家總會聯想到他緋聞女友松岡李那，主持人Angela向Alex「逼供」時，他支吾以對表示：「我哋好好朋友，識咗好耐啦，我覺自己個life有啲係私隱嘅，唔係咩唔認呀，只係唔講。（唔公開？）呢個對於我嚟講係好大嘅問號，公開定唔公開，我唔知。就算我喺美國讀書，人哋問我爸爸做咩，我都費事講，所以呢個習慣陪咗我好耐，即係保護自己私隱生活。」想知道Alex點評松岡唱功？想知Alex更多嘢？快啲入《東網》睇《娛樂onShow》喇！

化妝：kirsty facedesigner

場地：Sabor Spanish Private Kitchen

文：專案組

髮型：Eve＠Queen's Private I