前無綫新聞主播方健儀及趙海珠昨日出席有線節目《神廚遇上女主播》記者會，兩人更即場大展廚藝，一起泡製「煎釀豆腐」！經常下廚的方健儀一路擔當領導角色，而趙海珠則相當論盡，當她把鑊上豆腐反轉時，還高呼：「豆腐你唔好玩我啦！」
被問到平日下廚情況，方健儀自信表示：「我小學四年級已經開始學煮嘢食，基本嘢我都識！我阿媽『方太』廚藝好好，佢咁叻，我都唔可以差得去邊！」至於在旁的趙海珠則直認廚藝差：「我老公覺得我煮嘢難食，下廚嗰part都係由佢出手。佢煮餸，我洗碗，都好perfect（o架）！」
