任賢齊導亦有道：唔係金錢可以計算
歌而優則演、演而優則導的任賢齊近日四出為「處男作」宣傳，他非常重視這部嘔心瀝血之作，由籌拍開始已推掉不少酬勞不菲的工作﹕「呢個係我嘅夢，能夠拍到一部大家往後都會記得嘅作品，唔係金錢可以計算嘅。如果做得好，話唔定日後係啲錢嚟追住我呢？況且搵到舒淇幫手，如果出嚟效果唔好好對佢唔住。」
小齊形容自己心裏有團火，做事絕不馬虎的他即使被形容傻瓜亦毫不介意。提到拍攝時的種種難關，他滔滔不絕謂：「喺澎湖開工，足足落咗半個月嘅梅雨，但女主角嘅檔期唔可以拖，我試過臨時臨急改去醫院借景，工作人員每日要『三手準備』，慎防落大雨。我同美術講想畫面做到《摘星奇緣》嗰隻藍，點知單係藍色起碼有20多種！正式煞科嗰日，我望住個海好有失落感，但即刻醒起跟住要做配樂同剪片。」
場地：紅磡都會海逸酒店