去年離開無綫外闖的藝人石天欣，最近再參演杜琪峯電影，更為角色苦練慢動作：「呢套戲都拍咗成四個月，當中兩個幾月係用嚟學慢動作！真係幾特別，因為之前喺訓練班時多數係跳舞、練功夫，冇訓練肢體動作。」
她更示範慢動作，邊做邊道出當中苦樂：「一開始真係要你企喺度一個鐘唔准郁，痕都冇得抓！之後就用一個鐘去行用五秒就行到嘅路，開頭係好辛苦，但做做下又覺得幾得意，拍完之後都仲有玩！」
