鄭俊弘肌男誘惑玩Unbutton

歌手鄭俊弘(Fred)秘密操肌為九月的演唱會做準備,更揚言今次演唱會肯定夠歌,並向大家呈現一個不一樣的Fred,大玩「Unbutton」誘惑粉絲。

鄭俊弘九月份將舉行第二次個人演唱會,對上一次開騷他慘被觀眾投訴「唔夠歌」,信心滿滿的他表示今次必定夠歌,並坦言不會輕易被網上流言擊倒,他說:「其實每個人都有佢哋嘅表達方式,有人鍾意你就一定會有人唔鍾意你,有黑就一定有白,所以我OK,最重要係做好自己!今次一定唔會唔夠歌,肯定夠!」Fred透露演唱會已籌備多個月,歌單涵蓋本地及外地歌手,更揚言這次演唱會肯定會精彩過上次。

有營人少食多餐

外表瘦削的Fred最近更密密操肌,脫去上衣之後手臂肌肉線條乍現眼前,他表示還未滿意現在的身形,覺得自己還有進步空間,問到會否在演唱會上騷肌?Fred大賣關子:「睇進度啦,唔會除晒囉,可能會着背心,Unbutton嗰啲仲吸引啦!」提起健身Fred甚有心得,主張少食多餐的他表示只會在早上進食澱粉質食物,晚上只吃蔬果和肉類,更大爆有開設有機農場的粉絲經常為他送上自家蔬菜,認真多謝。

展現Rock爆一面

平時Fred總是給人斯文內斂的感覺,但原來他是個「Rock爆」Band友,訪問時好動的他還不時擺出搞怪的甫士,他說:「啲人喺鏡頭前見我少講嘢會以為我好斯文,但其實我有個想爆發嘅心,希望可以將我Rock嘅呢一面喺演唱會呈現畀大家睇,帶一個唔同嘅Fred畀大家。」

文:音樂組

攝影:黎志輝

場地:紅磡都會海逸酒店