陳凱琳 靠真性情箍實嘉穎

早前與鄭嘉穎公開戀情的Grace，承認兩人發展穩定，公開是為有更多私人空間：「想分番開公事同私事。」她又直言拍拖最緊要「做自己」：「我有啲朋友太愛男友，成日keep住化行妝、着到靚一靚，我覺得唔需要咁。一個男仔愛你嘅話，你唔化妝或者着對人字拖出街，佢都會覺得你可愛！」

穿越古今至好玩

入行短短年幾已劇接劇的Grace，指最深刻的角色是《張保仔》中的「黃娣妹」：「係我so far最多戲份嘅劇，又拍咗成半年，真係日日開工都廠接外景再接廠，好快就投入角色。雖然好吃力但好好玩，好多空間畀我發揮，亦係我第一套古裝劇，仲講穿越特別好玩。」她又感激無綫畀咁多機會：「其實做每一行都要把握機會，好似我細佬依家開始搵嘢做，我同佢講第一份工未必係你最鍾意。有時諗住要做嘅嘢會同實際做嘅唔同，要拎多啲唔同經驗。」

陳凱琳勸勉今屆佳麗要識放鬆，免因壓力影響表現。	陳凱琳坦言與鄭嘉穎的戀情穩定發展中。	陳凱琳指《張保仔》中的古裝角色最有發揮。

「民選」銜頭夠公平

作為一個新人已被提名過台慶「女配」，Grace坦言睇得開獎項得失：「每年都有好多人值得拎，唔會睇得咁重，會好大壓力。有當然好開心，就算冇被提名已經係reward。參選時都被封熱門，通常愈熱門壓力愈大，所有人都追住你嘅私生活、屋企人，呢啲反而對成件事影響多過幫助。」她亦出言勸勉今屆佳麗：「真係唔好畀咁大壓力自己，愈諗得多愈大壓力。人哋可能都未諗到嗰個point你就擔心定先，影響咗表現好唔抵！」

被譽為「十年來最美港姐」的Grace，坦言「民選」銜頭對她意義重大：「有市民支持真係唔同只係評判去選。評判同你做過interview會更了解你，觀眾就睇你當晚嘅即時表現，兩樣都計比重係公平嘅！」

文：專案組

攝：黎志輝

場地：Royal Feast皇室盛宴

服裝：Bread n Butter

鞋履：Venilla suite