湯允恨影壇發威Fight灑自如
「嫩口張慧儀」湯允屬娛圈新人，不過拍攝經驗多多，曾任模特兒又拍過電影及電視劇，外表斯文的她自言性格「坐唔定」，希望拍戲做打女，以偶像惠英紅為目標。
湯允（To To）由中學時期已擔任模特兒，曾在日本留學兩年，能說一口流利日語。她於2010年參加日本比堅尼小姐奪得亞軍，亦在日本主持過多個綜藝節目。畢業後回港擔任日資公司文職的她，有感自己性格「坐唔定」，加上有經理人公司招手，故決定全職投身演藝事業。
求學時已做模特兒
雖然屬演藝圈新人，但To To面對鏡頭毫不怯場，輕易擺出各種性感又撩人的甫士，全因她在求學時期擔任兼職模特兒所累積的經驗。提到幕前經驗，To To說：「最近拍咗太極嘅一個MV，係飾演女版Joey Tang，我自己本身唔識彈結他，係靠拍之前幾日上網睇多啲關於彈結他嘅手勢。」
喜歡接受挑戰的To To希望在電影圈闖出名堂，曾拍攝過電影《鴨王》、《破事兒》的她希望挑戰打女角色。她說：「雖然未學過功夫，但如果有機會拍打女角色就會畀心機去學，因為我好鍾意惠英紅，由細到大都睇佢嘅戲，覺得佢無論做武打定係其他角色，都發揮得淋漓盡致。」
欣賞森美工作認真
曾與森美合作拍攝打印機廣告的她，很欣賞對方工作認真。她說：「森美一向畀人嘅感覺係開心果，好搞笑，但原來佢工作嗰時好認真，對我哋呢啲初入行嘅新人好照顧，會教我哋點做。」 文：影視組
Profile
姓名：湯允
英文名：To To
年齡：24
三圍：34D、24、34
出生日期：1991年10月19日