趙哲妤縮水 女泰山失守
前中國小姐趙哲妤前晚着泰山裝出席活動，瘦了一個碼的她連上圍都縮水，令到裙子鬆動，老貓燒鬚地露出nude bra；同場的陶枳樽自爆曾行騷時戴nude bra跌到落肚，嚇得花容失色。
趙哲妤（Uny）、組合HunterZ成員陶枳樽（Crz）、仙樂都等前晚出席髮型屋開幕活動，身穿泰山裝連身長裙的Uny影相時竟不慎露出「缽仔糕」，她仍懵然不知！對於「失守」一事Uny尷尬地說：「自己一時失策，下次會小心啲。最近拍飲食節目，好多粉絲都話我肥咗，所以勤做瑜伽同游水，瘦咗一個碼。（上圍有冇細到？）有少少，但唔介意，都滿意依家身形。」
陶枳樽nude到落肚
Crz則透露正與朋友開設網店賣吹氣bra，非常好賣！跟着她自爆曾戴nude bra行騷跌到落肚：「試過表演時甩咗，跌到落肚度，要即刻閃入後台，真係好驚，好彩件衫遮到冇露點咋！」
對於HunterZ隊友鄧詠雪疑被騙，Crz看新聞才得知，對方有否告知轉公司一事？Crz說：「佢唔會同我哋傾咁多住，但佢之前有講過唔拍套電影，但我哋三個會繼續拍。（HunterZ會解體？）其實暫時工作一直都分開，未有組合工作，所以未有影響。」
另外，仙樂都說希望可以創業搵到第一桶金：「其實係第一碗匙羹嘅羹都未搵到！距離仲差好遠，因為要創業，要先有筆流動資金。」
文：名人組