TVB總監擬擺「和頭酒」
謝賢向曾江動粗，事後記者聯絡無綫企業傳訊部副總監曾醒明，他不知發生何事，故建議節目監製聯絡謝賢，但未有進一步接觸到。對於外間指此乃宣傳手法，曾生鄭重澄清，無綫向來宣傳節目都是着重內容及特色，不會以奇招作伎倆：「謝賢同曾江都咁有地位，又唔係無綫合約演員，就算有咁嘅諗法，佢哋都唔會做。」
而無綫非戲劇製作總監余詠珊經了解後，知道曾江、胡楓都沒有嬲謝賢：「佢哋都係一班快活老人家，加埋都三百歲，變埋細路哥咁，睇吓遲啲使唔使同佢哋搞番和頭酒啦！」
至於藝人梁麗翹及陳庭欣昨日亦有出現記者會，梁麗翹目擊事件時十分愕然，但不知道事件來龍去脈，只見謝賢激動又勞氣，事後她代表《東張西望》訪問曾江及胡楓，兩人未有受事件影響。擔任司儀的庭欣事發時在台下吃小食，未幾聽到謝賢很勞氣並拂袖而去，但會前眾人都未有異樣。