松本沙由紀 完全動漫迷

懷舊韻味

早前內地有消息指出，唔少大學畢業生為咗喺求職面試時予人一個良好印象，不惜大灑金錢去整容。其實近年除咗佢哋之外，唔少人都受到韓國文化影響而考慮整容。之不過，如果個個都去整，呢個又尖面大眼，嗰個又係咁，全部都一式一樣咁點搞呀？事實上大家睇吓現時日本水着界都會發現有唔少類似情況，好多女優都變到面尖尖，靚還靚，但係就硬係唔似八、九十年代嘅水着妹咁令人印象深刻，幸好松本沙由紀唔係其中一位。今年29歲嘅沙由紀生得嬌俏又天真，一種淳樸美感令人覺得佢同八十年代水着妹如武田久美子、齊藤由貴有相似之處，特別係初出道時未經修飾嘅圓潤面頰。講到身材，佢就一定唔會輸畀兩位前輩。身高5呎8吋夠高夠大，胸前對G奶分量十足，令原本豐滿誘人嘅胴體更見惹火。

沉迷玩樂

2004年松本沙由紀加入水着界，憑住高人一等嘅身材及豐滿上圍而受人注目，當年阿妹參加選美比賽「Miss FLASH 2004」嘅時候仲成功打入16強，之不過未能更進一步。雖然係咁，佢嘅發展總算冇受呢次失敗所阻礙。另一方面，業界仲形容阿妹為水着界嘅峰不二子，呢個角色大家睇過經典卡通《雷朋三世》都一定會知道。峰不二子身高腳長胸又大，正正就同沙由紀一樣。事實上，佢本身都係一個動畫迷，最鍾意嘅角色除咗Keroro軍曹，峰不二子都係其最愛。大家知道動漫迷好多時都熱愛打機，沙由紀亦唔例外，早前就有個網絡頻道節目播放其打機實況，至於近期雖然冇直播，但係對打機嘅熱衷程度一樣未減，仲話拍寫真其實就係為咗賺錢投放到遊戲之上添。

個人微博

從松本沙由紀嘅微博當中，可以見到佢家陣沉迷玩手機遊戲《怪物彈珠》，好此道者不妨上其微博留言交流心得。

網址：https://twitter.com/matsumotosayuki

松本沙由紀Profile

年齡：29歲

身高：5呎8吋

三圍：37G-24-35

撰文：賢