胡楓：唔好打我副眼鏡
胡楓（修哥）昨日出席《4個小生去旅行》記招，期間謝賢突然發火爆粗向曾江動粗，夾在中間的修哥被謝賢搞到飛甩眼鏡，事後問他知否謝、曾二人有不和？修哥說：「現場睇一啲都冇嬲。（係咪不滿曾江詐病？）講笑咁講啫，佢哋不知幾好傾，最多嘢傾係佢哋，不時飲住酒傾。（係咪有心結？）唔知，但搵着我嚟搞，打我唔緊要，唔好打我副眼鏡嘛。」
他會否致電謝賢？修哥說：「叫佢賠（眼鏡）？等佢下咗啖火先啦！」記者會後再致電修哥，他笑言老婆知道後都肉赤，又指謝、曾拍攝時非常好傾、又互請飲紅酒：「可能就係傾出火花嚟！呢啲係宣傳嚟！（咁你啲戲幾渣喎！）我啲戲渣？我做咗戲幾十年，之後仲有宣傳，下次等我郁手打阿Joe（Joe Junior）。」