彭梓穎浮潛即剝衫
具備進階潛水牌資格的藝人彭梓穎（Cupid）早前飛到菲律賓Sabang潛水玩樂，熱愛潛水的她笑言見到教練開心到「除衫」：「有日去咗浮潛，我着咗救生衣，但一見到教練部相機就除咗落嚟，連眼罩都除埋！因為嗰部相機係海底專用，影相好靚！」
不過，潛水後卻在酒店遇上「怪事」：「一返到酒店，我同房個女仔一早戴耳塞瞓咗，熄剩一盞好暗嘅廁所燈，點知突然停電，但當時我仲未沖涼。5分鐘後又有番電，但雪櫃發出咯咯聲，搞到我勁驚，但又唔想嘈醒我同房，最後借咗隔籬個女仔房沖涼。」其同房友人事後安慰她：「佢話雪櫃係過番電先會震，聽完我先冇咁驚。」