李治廷出「蕉」補身
牽一「物」動全身，有些物事總令人難以忘懷。在《東網巨星》「巨星最愛：戀物篇」中，一眾藝人大談最愛的物事，型男李治廷最愛竟是一條奶油蕉，令他「朝朝有力」；至於已嫁為人妻的黃婉曼最愛可不是她老公，原來她一早已戀上自己張床！
「不以物喜，不以已悲」或許是做人最高境界，但做得藝人情感澎湃，即使是一件物件，已令他們樂翻天，又或是傷春悲秋！在《東網巨星》「巨星最愛：戀物篇」中，李治廷高呼一生中最愛，原來是條蕉：「我最愛嘅應該係菲律賓嗰隻細細嘅奶油蕉，係香蕉嘅一種，點解我咁鍾意呢啲奶油蕉，因為佢含有豐富蛋白質，有時健完身如果無時間補番蛋白質或者食餐勁嘅時候，其實食幾隻奶油蕉已經足夠，佢卡路里又唔算高，好似係100-200卡路里一隻左右，容易攜帶又好食，Workout完加埋potein shake一齊食，係好方便而又好味嘅一餐，我要多謝奶油蕉。」
黃婉曼上床減壓
李治廷最愛係食蕉，原來身材逼爆的黃婉曼，自爆養顏大法就是靠張床：「睡眠對女人嚟講好重要，所以我一返屋企就好鍾意黐住張床，睡眠特別係對美容方面好有幫助，瞓得好自然血液循環好，排毒都快啲，皮膚亦會跟住好啲啦，同埋係我好唔開心同傷心嘅時間，我都會即刻跳上床到冚埋張被瞓，瞓醒就咩事都冇。」
梁雨恩感恩掟鏢
至於長腿美女梁雨恩原來是掟飛鏢高手，她的最愛是甚麼？你懂的！梁雨恩說：「我的最愛係飛鏢，好多謝飛鏢呢個運動，佢令我學識咗咩係不屈不撓。剛開始接觸時我都唔知自己會鍾意到咁，但係因為飛鏢，go through咗好多ups and downs。因為飛鏢緣故，我認識到世界冠軍的師傅，同埋來自世界各地玩飛鏢的人，我好感恩生命上接觸到飛鏢，令我明白咗人生好多的道理！」
文：專案組