謝安琪Fit爆唔怕生多個
歌手謝安琪（Kay）、張繼聰（Louis）、仔仔張瞻一家三口，昨日與谷祖琳、連詩雅、陳柏宇及王宗堯等出席前歌手蕭潤邦（Oscar）食店開幕，近月頻頻被傳孕味濃的Kay笑着否認有喜，Louis承認有意追多個，不過是兩年後的事。Kay年屆38，問她怕不怕做高齡產婦？Kay說：「睇緣分，我嘅狀態保持得唔錯。」
而老闆Oscar自爆曾因員工辭職搞到做「外賣仔」，他說：「要頂佢啲位，倒垃圾、送外賣去黃色架步都做過。（順手（目及）女？）男人上黃色架步通常係畀錢，我反而係收錢。」已是四間食店老闆的Oscar被取笑獲闊太「包起」？他笑說：「所以依家成日都鬆鬆哋。」