(1)麥明詩民選領先：望由頭帶到尾
距離《2015香港小組競選》決賽近三星期，比賽日趨白熱化。最強娛樂資訊Apps《東網巨星》乘勢在Facebook推出民選投票「港姐任你Like」，在首階段投票中以(1)麥明詩、(10)陳靜儀及(3)羅丹虹暫時領先，三位佳麗頓成民選大熱！被網民「Like」爆的麥明詩更由頭帶落尾，但她卻謙虛地說：「勝不驕，敗不餒！」
最強娛樂資訊Apps《東網巨星》在Facebook推出投票活動「港姐任你Like」，首階段的「巴絲心水」已進行得如火如荼！大熱佳麗「十優狀元」(1)麥明詩勢如破竹，以39％的得票率拋離對手，保持最強人氣！至於另一熱門「翻版朱晨麗」(10)陳靜儀，就以21％票數緊貼榜首。而一直未算起眼的「英國碩士生」(3)羅丹虹，則以7.6％得票率爆冷成為第三名！反觀被麥明詩視為「死對頭」的大熱門「寸嘴Ada」(4)龐卓欣今次卻「寸唔起」，在民選中失落三甲！
警惕切勿驕傲
成功躋身三甲的佳麗，能得到網民認同固然開心，但居首名的麥明詩卻時刻提醒自己別驕傲，她說：「可以由頭帶到尾會鼓舞，但係我唔會驕傲，『勝不驕，敗不餒』！況且Facebook嘅Like同決賽民選基礎唔同，所以唔會鬆懈！」麥明詩果然夠晒謙虛，還呼籲網民不要一味關注自己，多些支持其他佳麗。
接納網民指點
至於在民選中暫時屈居次名的陳靜儀也感到鼓舞：「今次增加到我嘅信心，係網友對我努力嘅認可！」而後來居上的羅丹虹則被網民建議要注意髮型和化妝技巧，她虛心接納意見：「有睇到網民嘅留言，希望網民可以畀多啲意見我，我會繼續努力！」
民選投票「港姐任你Like」分三階段進行，首階段的「巴絲心水」投票在下周一（10號）結束後，將進行第二階段「最腦筋急轉彎」，而最後階段則為「最估你唔到」。總結三個回合票數後，得票最高的佳麗將成為《東網巨星》的民選港姐。投票方法簡單，網民最多可投選所有佳麗，只需在心水佳麗的Profile專頁按「Like」就搞掂！
文：專案組