張家輝戴監躉帽爆笑彈
於《賭Ⅱ》跟周潤發合作已經甚有默契的張家輝，今次再度合作，當然更得心應手，而家輝亦被周潤發感染，在片場上風騷幽默，拍攝當日，家輝的「監躉」造型，頭戴報紙摺的帽子，他笑指很矜貴：「係金牌美指整（o架）！」對於今次能跟周潤發、好友張學友拍戲，他直言很難得，並謂：「好榮幸！（點搶鏡？）冇嘅，賀歲片，整體熱鬧開心就得！」
對於周潤發親身上陣吊上12米高拍爆炸戲，家輝大感佩服：「我哋部戲大製作，好機動性，一諗到就做，佢（指周潤發）炸到飛起，又即刻可以做到！（你有冇？）我一開工有好多戲同李宇春對付機械人，有開槍、變身，飛來飛去，好多嘢。」講到「發記士多」，家輝笑言常幫襯：「呢個係我哋嘅集散地，大家都好開心，肚餓就聚晒喺度！」