Kelly纖腰開騷 魔法1變10
陳慧琳（Kelly）與張智霖（Chilam）昨日以美心傳統及冰皮月餅代言人身份，齊出席合拍的新一輯美心月餅廣告首播會，兩人欣賞完秋意味濃的全新廣告後，破天荒在室內「放天燈」，提早預祝大家中秋節快樂。
身為兩子之母的Kelly近日為迎戰演唱會而努力操弗，穿上連身褲以tube top打底性感示人，低胸之餘又騷到苦練得來的纖腰，她表示要向大家分享努力成果。問到Kelly可會再下一城操出馬甲線（腹部兩條直立的肌肉線）？她笑謂可以打陰影「頂檔」，更自爆向老公提議一齊操可惜被拒絕：「佢冇理我，佢覺得我呢啲係太小兒科，可能男人練開嗰啲勁啲。」她又透露將為演唱會進行選拔，務求選出十個「翻版Kelly」：「希望揀啲同我差唔多高、差唔多樣，可能到時會搞啲魔術。」
Chilam親子遊辛苦
剛自美國度假十幾天回港的Chilam笑謂同小朋友去旅行是一個很大的挑戰：「我哋平時被人照顧得多，今次算係體會到同事照顧我哋嘅辛苦。」他說跟囝囝魔童（張慕童）遊遍多個遊樂場兼喪玩過山車：「玩得好甘，一日玩幾次唔同款嘅過山車，都真係唔簡單，有啲都要避免吓，我驚會嘔。」另外，剪了短髮的Chilam稱新髮型是配合和古天樂合作的新戲中飾演警察的角色。
文：音樂組