陳凱琳冇嫁期 肉麻短訊箍嘉穎
藝人陳凱琳（Grace）春風滿面出席新劇拜神，直認早前「人肉速遞」往內地探班後，對男友鄭嘉穎更見佩服，不過卻無意效法林夏薇閃婚。同場的田蕊妮則自爆早前在家看劇本，一時感觸落淚，好在有得「呵番」。
Grace、田蕊妮、蕭正楠、張致恒及久違了的吳岱融，昨齊齊出席無綫新劇《巨輪II》開鏡拜神，場面熱鬧。Grace日前「人肉速遞」，往橫店探望正在當地開工的嘉穎，受訪時她坦承：「去咗3、4日，因為嚟緊我要開工行唔開，佢就要拍到9月先返嚟。（佢開工你喺內地點打發時間？）帶咗劇本去睇，佢收工咪一齊食飯囉。（好sweet喎。）多謝。」她又大讚男友：「佢工作態度好專業，普通話又好，令我好佩服。（效法林夏薇閃婚？）一定唔會咁快。（依家每日一電？）佢工作時間長，有時會傳短訊。」
阿田爆喊有貓錫
而阿田則表示今次與蕭正楠合作更見默契，可惜《巨輪II》角色要面臨生離死別。她更自爆日前在家看劇本，情緒極度低落：「喊咗出嚟，嚇親我隻貓，佢即刻走嚟錫番我。呢兩日拍緊啲開心嘢，所以我唔睇住嘞。（抽離唔到？）唔會，專業嘅。」而蕭正楠則表示能夠與吳岱融結片緣十分高興，不過談到與女友黃翠如各有各忙，他即謂：「好掛住。（計劃結婚？）起碼呢半年唔會，套劇都拍到12月，況且佢好大食，食晒成雪櫃嘢，我要有經濟能力先得。」
無綫收視全報捷
此外，上周無綫收視全面報捷，未知是否因天雨影響，劇集《風雲天地》、《鬼同你OT》及《愛．回家》收視都升2點。不過《風》劇接獲13宗投訴，被指意識不良及內容負面，該劇將於8月1日播出兩小時大結局。
文﹕影視組