雨僑長腿夾爆娃娃舜

網絡奇人「娃娃舜」當年參加午間節目《都市閒情》的歌唱比賽，憑獨特唱腔及舞步唱《娃娃愛天下》，其騎呢表現深受網民愛戴。「閉關」十多年的他，昨晚以特別嘉賓身份現身荔園，與雨僑為電影《猛龍特囧》主辦的「香港網絡男神選舉」載歌載舞。「娃娃舜」甫出場即引起全場尖叫，與雨僑齊唱跳首本名曲《娃娃愛天下》，期間雨僑更跳上「娃娃舜」身上，用長腿夾實對方轉圈，令人嘩然。「娃娃舜」明顯身形發福，唱腔較多年前有點進步，但仍見走音。

參賽者夠騎呢

雨僑受訪時稱：「大家練咗個幾星期，佢本嚟唔想唱歌，但叫叫吓又肯喎，覺得佢有復出意向，其實我睇咗佢條片30萬次。」至於一眾「男神」參賽者中，曾參加過「亞生選舉」的鄧簡文相當落力，竟當眾脫剩一條內褲，更出「蕉」耍雙節棍搶鏡，另一身形略胖的參賽者則騎呢耍劍，事後一眾參賽者赤膊與嘉賓影大合照。

雨僑突然跳上「娃娃舜」身上，全場哄動。	王宗堯（左起）、胡耀輝及張建聲擔任「男神」選舉評判。	「牛雜妹」李美琪

王宗堯想拍拖

昨晚選舉請來不少星級評判，包括王宗堯、唐貝詩、張建聲及「牛雜妹」李美琪等。提到王宗堯早前被拍得與Sarah撐枱腳，他承認有意與對方發展：「識咗幾年嘞，算係認識中。依家想拍拖，如果拍得耐嘅話，都要計劃吓，睇睇係咪可以一齊生活。呢排搬屋，都想有女朋友幫忙睇住隻貓。」對於昨晚負責選「男神」，王宗堯笑謂：「其實每個領域都可以有男神，只要敢做敢言，胡耀輝（《猛》片導演）都係男神。」

文：影視組