李克勤小勝霸氣論輸贏

內地歌唱比賽節目《蒙面歌王》日前首播，代表香港出戰的李克勤勇奪首集冠軍，網上點擊率高企，掀起全城話題！對於節目反應熱烈，克勤高興地表示：「冇諗過香港會有咁多人留意節目，節目播出後即刻收到好多朋友祝賀，真係意想不到！」提到有評審團猜他是「小鮮肉」，克勤笑言：「原來自己戴咗面具都呃得吓人。」

巫啟賢哈哈回應

提到評審團成員之一的巫啟賢在節目中不認得他，跟對方相熟的克勤說：「因為個台同評審團都有段距離，我都係上到台先知有咩評審團。我一錄完節目第二日都有傳短訊問佢『你係咪真係唔認得我？』，但佢淨係回『哈哈』兩字，所以唔知佢真係唔認得定只係劇情需要。不過大家都唔使咁認真去睇，評審團都係增加現場氣氛或者擾亂觀眾視線。」克勤又說憑身形及聲線猜得其中一位參賽者是孫楠。

李克勤參賽時，在後台連助手與化妝師都要戴上面罩。	許茹芸	「鐵扇奧特曼」被指是許茹芸。

不過克勤亦坦言音樂無分輸贏：「可能只係當晚觀眾鍾意自己嘅演繹方法，唔代表我比其他歌手優勝，當晚每個歌手都係獨當一面、經驗豐富。（對自己有冇信心？）有，參加比賽始終個個都想贏，不過就算最後輸咗都唔緊要，因為只係輸咗畀最好嘅歌手。」

丁噹化身「黑天鵝」。	丁噹	孫楠以「羊駝」造型出現。

與原版賽制相反

節目的賽制是只有每集的冠軍才可以除罩，但此舉被指跟韓國原版的賽制相反，輸家才除面罩。就此，節目宣傳總監解釋是為了刺激歌手的求勝心，戴上面具可讓歌手盡情發揮。另方面，有觀眾猜測其中一位頭戴鐵扇面具的女參賽者是台灣歌手許茹芸，更有指她一集酬勞近千萬台幣（約250萬港元），對此傳聞其經理人公司和製作單位均守口如瓶，不作證實。據知在加盟《蒙面》前，茹芸曾三度因檔期不合拒絕另一節目《我是歌手》的邀約，今次《蒙面》能請動茹芸全因製作組夠誠意，因為在韓國「新沙士」疫情最嚴重時，還親自到韓國找居於當地的茹芸洽談。

文：音樂組