郭采潔飲多兩杯 咀古仔取暖

古天樂、郭采潔、文詠珊（JM）等前晚出席新片《巴黎假期》首映禮，當中郭采潔以黑色tube dress上陣，性感搶鏡。司儀羅佩怡（愛菩）問古仔除了被采潔將腳放在身上外，戲中還有那些大膽場口？古仔發揮冷面笑匠本色說：「腳啫，幾大膽呀？係呀，好勁呀，仲有飛車、爆破添！」

之後古仔將馬卡龍貼上電影海報的儀式上，自爆說：「真係別開生面，我鍊爛咗呀！有冇第二個？」愛菩遂替他打圓場說：「古仔唔只有強勁嘅臂彎，仲有強勁嘅手指。」古仔即說：「得喇，夠喇，唔好再講嘢啦，得唔得呀？」引得哄堂大笑。

文詠珊在巴黎睇時裝騷順道客串。	古天樂獲曾合作的小演員撐場。	一眾台前幕後現身首映，期望票房大賣。

JM主動出擊

提到與郭采潔的kiss戲，古仔說：「套戲係浪漫嘅，唔會太激，拍嘅時候喺郊外，佢（郭采潔）有飲少少酒，我冇。」當郭采潔知道被古仔踢爆後，面露尷尬表情說：「因為天氣非常的冷，躺在一起比較暖。（同楊祐寧情變，借酒消愁？）當時未分手，飲酒不關事。」對於二人合作新片，有傳將有復合可能，她攤開兩手說：「目前沒別的想法。（有傾電話、傳短訊？）就是一起拍片囉！（你哋關係點？）順其自然。」

JM只客串3日戲，她說：「咁啱嗰期我去巴黎fashion week，叫咗我去客串，但伙食幾好喎，拍得好開心。今次演地盤妹，粗獷外形，同古仔有場kiss戲，我主動錫佢，動作唔算好激，拍得幾順，我哋都係專業嘅，多謝古仔信任我！」

文：影視組